Moska është e shqetësuar për situatën në Izrael dhe Gaza. Në një deklaratë për mediat, zëdhënësi i Kremlinit, Dmitry Peskov u shpreh se situata e krijuar është një rrezik i madh për rajonin.

‘Ne jemi jashtëzakonisht të shqetësuar. Besojmë se kjo situatë duhet të kthehet në një kanal paqësor sa më shpejt të jetë e mundur’, tha Peskov gjatë një konference me ​​gazetarët.

‘Vazhdimi i një spirale të tillë dhune sigurisht që është i mbushur me përshkallëzim dhe rritje të mëtejshme të këtij konflikti. Ky është një rrezik i madh për rajonin, ndaj ne jemi jashtëzakonisht të shqetësuar.’

Peskov deklaroi po ashtu se deri më tani nuk kanë asnjë informacion për rusë të plagosur. Megjithatë, ai shtoi se diplomatët rusë janë në kontakt të ngushtë me autoritetet izraelite dhe palestineze për të monitoruar situatën dhe për të garantuar sigurinë e rusëve që banojnë në zonën e konfliktit.

Një marrëdhënie e ndërlikuar

Lufta mes Rusisë dhe Ukrainës fillimisht e vuri Izraelin në pozita të vështira. Izraeli zgjodhi të mbante një politikë neutraliteti teksa kryeministri i atëhershëm, Naftali Bennett, bëri thirrje për armëpushim dhe fillimisht nuk pranoi të dënonte Rusinë.

Megjithatë, pas rimarrjes së detyrës, kryeministri aktual, Benjamin Netanyahu, duket se ka mbajtur një qëndrim më të ashpër kundër presidentit rus, Vladimir Putin, sesa paraardhësi i tij.