Ish-presidenti amerikan Donald Trump tha sot se sulmet e Hamasit ndaj Izraelit janë të turpshme dhe tha se Izraeli ka çdo të drejtë të mbrohet me "forcë të jashtëzakonshme".

“Fatkeqësisht, dollarët e taksapaguesve amerikanë kanë ndihmuar në financimin e këtyre sulmeve, për të cilat shumë raporte thonë se vijnë nga administrata Biden. Ne sollëm kaq shumë paqe në Lindjen e Mesme përmes Marrëveshjes Abrahamike, vetëm për të parë Biden-in ta largonte atë me një ritëm shumë më të shpejtë nga sa mendonte dikush. Ja ku po shkojmë përsëri”, tha Trump në rrjetin e tij social.

Presidenti i SHBA-së Joseph Biden telefonoi kryeministrin izraelit Benjamin Netanyahu më herët gjatë ditës së sotme dhe theksoi se SHBA qëndron pranë Izraelit dhe mbështet plotësisht të drejtën e Izraelit për vetëmbrojtje.

Netanyahu falënderoi Biden për mbështetjen e tij të parezervë dhe e bëri të qartë se ishte e nevojshme një fushatë e fortë dhe e zgjatur në të cilën Izraeli do të fitonte.