Diktatori i Koresë së Veriut, Kim Jong Un përfundoi vizitën në Rusi dhe ka nisur kthimin në vendin e tij me trenin e blinduar luksoz. Përpara largimit, ai ngriti një dolli për shëndetin e Vladimir Putinit. Por përse takimi u zhvillua në qendrën hapësinore ‘Vostochny’?
Nga Jean Mackenzie, BBC
Në këmbim të shitjes së armëve për Rusinë, Kim pritej që t’i kërkonte Putinit ndihmë për teknologjinë e avancuar ushtarake, në mënyrë që ai të mund të bëjë përparim me programin e tij të armëve.
Armët e Moskës mendohet se janë dekada përpara atyre të Phenianit.
Një nga fushat, ku Kim po lufton për të bërë progres, është programi i tij hapësinor. Ai është përpjekur të hedhë një satelit spiun në orbitë dy herë në gjashtë muajt e fundit- dhe ka dështuar.
Një satelit spiun do t’i jepte Koresë së Veriut mundësinë e ‘syve në qiell’ mbi armiqtë e saj. Ajo mund ta përdorë atë për të planifikuar sulme me precizion dhe për të monitoruar kërcënimet e mundshme.
Kim e ka kthyer hedhjen e një sateliti spiun në hapësirë një nga prioritetet e tij kryesore ushtarake në vitet e fundit.
© SYRI.net