Një shpërthim ka ndodhur mëngjesin e së mërkurës në një fabrikë në Qipro, në provincën e Larnaka, ku mbetën të plagosur tre persona, njëri prej të cilëve ndodhet në gjendje të rëndë.

Mediat e huaja shkruajnë se shpërthimi ka ndodhur në një fabrikë për riciklimin e metaleve në zonën industriale të Aradippou, kur në rrethanat që po hetohen, shpërthimi ka shkaktuar një objekt metalik.

Nga shpërthimi janë lënduar tre persona të cilët janë dërguar me ambulancë në Spitalin e Përgjithshëm të Larnakës.

Menjëherë në vendngjarje kanë mbërritur forcat e policisë dhe po kryejnë hetimet. Sipas informacioneve, shpërthimi është shkaktuar nga një automjet që kishte transportuar metale për riciklim në fabrikë.