Sipas regjisorëve Zahra Amir Ebrahimi dhe Guy Nattiv, prodhimi i parë i bashkëdrejtuar nga kineastët iranianë dhe izraelitë duhej të xhirohej në fshehtësi për të parandaluar ndërhyrjet e mundshme nga Teherani.

Një film i cili u shfaq premierë në Festivalin e Filmit të Venecias në fundjavë me ovacione të vazhdueshme kishte qënë i xhiruar në fshehtësi.

"Tatami" është filmi i parë i bashkëdrejtuar nga kineastët iranianë dhe izraelitë dhe duhej të bëhej nën “radarin” e censurës për të parandaluar ndërhyrjet e mundshme nga Teherani.

I drejtuar nga iraniano-francezja Zahra Amir Ebrahimi (me emër arti Zar) dhe izraeliti Guy Nattiv, historia tensionuese përqendrohet rreth një kampionati botëror të xhudos.

E zhvilluar gjatë një dite të vetme garash, historia ndjek një kampione iraniane xhudiste, e luajtur nga aktorja amerikane që flet gjuhën farsi, Arienne Mandi, e cila urdhërohet të shpikë një dëmtim për të shmangur një ndeshje të mundshme me një konkurrente izraelite.

Filmi u filmua në Gjeorgji - një vend i hapur për iranianët.

Zahra Amir Ebrahimi dhe Guy Nattiv qëndruan në hotele të ndara, folën në publik në anglisht dhe u siguruan që të mos e linin askënd të kuptonte se po bënin një film kaq të ngarkuar politikisht.

"E dija se ka shumë iranianë atje, kështu që ne u përpoqëm të rrinim të qetë dhe të fshehtë," i tha Reuters, znj.  Amir Ebrahimi, e cila gjithashtu luan në film rolin e trajneres së tmerruar të xhudistes.

Irani ka refuzuar prej kohësh të njohë të drejtën e Izraelit për të ekzistuar - dhe shpesh i ka ndaluar sportistët e tij të konkurrojnë kundër izraelitëve.

Në vitin 2021, Federata Ndërkombëtare e Xhudos i dha Iranit një ndalim katërvjeçar për presionin që i bëri një prej luftëtarëve të tij që të mos ndeshej me një izraelit.

Ky incident thuhet se ka frymëzuar krijimin e filmit Tatami.

Regjisorja dhe aktorja Amir Ebrahimi, e cila mori çmimin e aktores më të mirë në Festivalin e Filmit në Kanë në vitin 2022 për filmin "Holly Spider", u largua nga Irani në vitin 2008 nga frika e burgosjes dhe goditjeve me kamzhik pasi u publikua një video private e saj.

Ajo shpjegoi se i duhej të mendonte seriozisht projektin, duke menduar mbi pasojat e panumërta të mundshme përpara se të pranonte ofertën e Nattiv për të bërë filmin.

"Ajo që kam mësuar për qeverinë iraniane është se përderisa keni frikë se mund t'ju arrestojnë, ata mund t'ju vrasin, ata mund të krijojnë probleme rreth jush. Por për sa kohë që nuk keni frikë... do të bëhet mirë”, tha Amir Ebrahimi për Reuters./ar.sh/SYRI.NET

Drejtorja Zahra Amir Ebrahimi, Ash Goldeh, Elham Erfani and drejtori Guy Nattiv