Itali- Moti i keq vazhdon të godasë rajonin e Lombardisë.
Gjatë natës një stuhi e re, shumë e dhunshme, e shoqëruar me goditje të vazhdueshme rrufeje dhe shpërthime të forta ere, goditi Milanin rreth orës 4 të natës dhe një pjesë të mirë të Brianzës dhe zonën veriore të Lombardisë.
Fenomeni u shoqërua në disa zona edhe me stuhi breshëri.
Stuhia në qytet ishte e shkurtër por shumë intensive dhe parashikimet tregojnë mundësi për reshje të reja.
Në zonën e Brescias , një 16-vjeçar vdiq i pushtuar nga një pemë e shkulur nga moti i keq.
Pas dëmeve të shkaktuara nga moti i keq, ky Rajon do t'i kërkojë qeverisë të shpallë gjendjen e jashtëzakonshme.
Ndërsa në Milano, të gjitha parqet dhe zonat e gjelbra janë të mbyllura, pas stuhisë së dhunshme që goditi qytetin në orët e fundit.
Bashkia e Milanos ka urdhëruar mbylljen e të gjitha parqeve të rrethuara dhe ka urdhëruar ndalimin e hyrjes në parqet e pa rrethuar dhe zonat e hapura me pemë.
© SYRI.net