Të paktën 10 persona u vranë dhe mbi 40 të tjerë u plagosën në një përplasje midis dy autobusëve të pasagjerëve në distriktin Nawab Shah të provincës jugore Sindh të Pakistanit, tha shërbimi i shpëtimit.

Aksidenti ndodhi në zonën e Daurit, kur dy autobusët që udhëtonin në drejtime të kundërta në një rrugë me një korsi parakaluan dy mjete të ndryshme në të njëjtën kohë.Për pasojë, dy autobusët përfunduan duke u përplasur me njëri-tjetrin. Ekipet e shpëtimit arritën në vendngjarje dhe i dërguan viktimat në spitalet lokale.

Disa nga viktimat u bllokuan në autobus fillimisht dhe u nxorrën jashtë pas një operacioni shpëtimi. Viktimat përfshijnë gra dhe fëmijë, tha shërbimi i shpëtimit.