Lideri i grupit mercenar ‘Wagner’ nuk duket gjëkundi. Sipas BBC, Prigozhin, një njeri i zëshëm zakonisht, nuk ka thënë asgjë deri tani. Kremlini tha këtë fundjavë se ai do shkonte në Bjellorusi në mërgim, ndërsa 'Wagner' do shkrihej në Ministrinë e Mbrojtjes ruse

BBC

Kreu i grupit mercenar 'Wagner’ është duke u hetuar ende nga autoritetet ruse, pavarësisht se Kremlini ka premtuar të heqë të gjithë akuzat kundër tij, sipas tre agjencive kryesore të lajmeve ruse dhe një gazete tjetër.

Agjencia ruse e spiunazhit, FSB, ka ende një çështje të hapur kundër Yevgeny Prigozhin, sipas burimeve të paidentifikuara që folën për mediat.

Sipas një marrëveshje të ndërmjetësuar nga udhëheqësi bjellorus, Alexander Lukashenko, për të zbutur krizën të shtunën vonë, Kremlini tha se një padi penale kundër Prigozhin do të hiqet dhe luftëtarët e tij nuk do të përballen me asnjë veprim ligjor.

Por faqja e internetit e Kommersant, duke cituar një burim të paidentifikuar, tha se vendimi për fillimin e një çështje penale nuk është anuluar ende dhe hetimi për rebelimin ishte në vazhdim. Ajo vazhdoi duke cituar burimin, duke thënë se nuk kishte kaluar kohë e mjaftueshme për të mbyllur çështjen.

Për të qenë të qartë, ky informacion vjen nga mediat ruse dhe ne ende nuk kemi qenë në gjendje ta verifikojmë atë në mënyrë të pavarur.

Mbetet e paqartë saktësisht se çfarë do të thotë kjo për marrëveshjen dhe ne nuk kemi dëgjuar ende nga Prigozhin apo nga lideri rus, Vladimir Putin.