“Betejat jashtëzakonisht të ashpra” po zhvillohen në disa pjesë të Ukrainës, ndërsa forcat e Kievit vazhdojnë kundër-ofensivës, është shprehur zëvendësministrja e mbrojtjes, së vendit.

Hanna Maliar shkroi në Telegram se forcat ukrainase kishin arritur të avancojnë pranë Bakhmut në lindje dhe Zaporizhzhia në jug.

Por ajo pranoi se forcat ruse po ngrinin një mbrojtje të fortë në disa zona.

Komentet e saj vijnë pas një nate tjetër të sulmeve me raketa ruse dhe dronë në qytete në të gjithë Ukrainën.

Rusia ka rritur fushatën e saj të bombardimeve javët e fundit, pavarësisht se presidenti Vladimir Putin pranoi se forcat e tij po vuajnë nga mungesa e raketave dhe dronëve.

Në orët e hershme të mëngjesit të së enjtes, sulme gjatë natës goditën objektet industriale në rajonin e Dnipropetrovsk, sipas ushtrisë së Ukrainës. 

Zëdhënësi ushtarak rajonal Serhiy Bratchuk tha se një seri sulmesh me dronë në rajonin e Detit të Zi të Odesa u zmbrapsën nga sistemet e mbrojtjes ajrore.

Një ditë më parë, një sulm në një magazinë dhe një qendër tregtare në qytetin e Odesa kishte vrarë tre persona.

Ukrainasit thonë se trupat e tyre kanë rimarrë shtatë vendbanime dhe të paktën 90 km katrorë (35 milje katrore) që nga fillimi i kundërsulmimit të tyre.