Ka tre arsye pse Moska kreu bombardimin e një zone banimi aq larg nga vija e frontit. Sipas analistit ushtarak britanik, Sean Bell, bëhet fjalë për, dërrmimi i moralit, dështimi logjistik ose rënia. Rusia ka shënjestruar vazhdimisht komunitetet civile gjatë gjithë luftës, veçanërisht ato në kryeqytet, Kiev.

Kjo është një përpjekje për të “gërryer moralin civil dhe përkushtimin ndaj luftës”, tha Bell, raporton skynews.

Por, nuk ka asnjë provë që kjo funksionon, tha ai, duke treguar Blitzin e Londrës, për të cilin tha se “ngurtësoi vendosmërinë britanike” në Luftën e Dytë Botërore.

Rusia po kërkon të shkatërrojë furnizimet ushtarake, qendrat logjistike dhe autokolonat prapa vijës së frontit.

Kjo kërkon atë që Bell e quajti një kapacitet shumë efektiv “sensori për gjuajtës”, aftësia e agjencive të ndryshme ushtarake për të komunikuar vendndodhjen e një objektivi që shpeshherë lëviz shpejt dhe për të ekzekutuar një goditje direkte. “Rusia nuk është dëshmuar efektive deri më sot në punën ekipore apo bashkëpunimin ndërmjet agjencive”, pohoi analisti. Por, përgjigja mund të jetë shumë e thjeshtë. Kryvyi Rih është vendlindja e Volodymyr Zelenskyt dhe sulmi mund të ketë qenë thjesht një “akt i mëtejshëm i përbuzjes nga Putini”, tha ai.