Nëntë persona u plagosën, duke përfshirë tre në gjendje kritike, nga të shtënat në Denver, SHBA.

Sipas mediave të huaja, përcjell Telegrafi, ngjarja ndodhi pranë arenës ku Nuggets fituan titullin e tyre të parë në NBA të hënën mbrëma, tha policia.

Një i dyshuar, i cili gjithashtu u qëllua, tanimë është në paraburgim, tha në një deklaratë Departamenti i Policisë së Denverit.

Lëndimet e të dyshuarit besohet se nuk ishin kërcënuese për jetën, tha policia, duke shtuar se tre nga të plagosurit ishin në gjendje kritike.

“Ky është një hetim kompleks dhe në vazhdim në fazat e tij të hershme”, ka thënë departamenti. “Informacionet paraprake tregojnë të shtëna të shumta gjatë një sherri ku përfshihen disa individë”.

Të shtënat ishin rreth një milje larg nga Ball Arena, ku Denver Nuggets mposhtën Miami Heat të hënën për të fituar titullin e tyre të parë në NBA.

Alert: #DPD is investigating a shooting in the 2000 block of Market St. Preliminary information indicates there are four victims who are being transported to the hospital. Officers took a possible suspect into custody who also has a suspected gunshot injury. Investigation ongoing pic.twitter.com/AK2OrJngBr

— Denver (Nuggets) Police Dept. (@DenverPolice) June 13, 2023