Madrid - Fyerjet e përsëritura raciste kundër yllit brazilian të futbollit Vinicius Junior kanë ndezur një debat të nxehtë në Spanjë rreth tolerancës ndaj racizmit në një shoqëri që po bëhet me shpejtësi më e larmishme brenda dhe jashtë fushës.

Që nga fillimi i sezonit në gusht, futbollisti i “Real Madrid” ka pësuar abuzim racist nga tifozët e të paktën pesë skuadrave rivale, duke përfshirë varjen e një manekini, imitim i lojtarit zikaltër, nga një urë, prej një grupi tifozësh të Atletico Madridit në janar.

“Racizmi është normal në La Liga,” tha Vinicius për ligën më të mirë në futbollin spanjoll në Instagram dhe Tëitter, pasi ai u vu në shënjestër nga tifozët e Valencias në një ndeshje të dielën. “Konkurrenca mendon se është normale, ashtu si federata, edhe kundërshtarët e inkurajojnë atë.”

Nëpërmjet pranisë së tij në mediat sociale, Vinicius ka bërë thirrje vazhdimisht për qëndrimet raciste që ai thotë se mbizotërojnë në një vend të Evropës Jugore, ku një e treta e fëmijëve tani lindin nga prindër të huaj, shumica nga Amerika Latine dhe Afrika, dhe shoqëria në tërësi po bëhet gjithnjë e më shumë e larmishme nga pikëpamja racore.

Politikanët u hodhën shpejt në polemika, duke u ndarë përgjatë vijave ideologjike. “Zero tolerancë për racizmin në futboll”, shkroi në Twitter kryeministri socialist Pedro Sánchez. “Urrejtja dhe ksenofobia nuk duhet të kenë vend në futbollin tonë apo në shoqërinë tonë”.

Presidentja rajonale e Madridit, Isabel Díaz Ayuso, e cila është shndërruar në një pritës rrufeje për çështjet e luftës kulturore përpara zgjedhjeve lokale të së dielës, u përgjigj se Spanja "nuk është një vend racist", duke shtuar se kushdo që e thotë këtë "gënjen".

Shkrimtari  spanjoll dhe aktivisti kundër racizmit, Moha Gerehou, i cili është me ngjyrë, ka shkruar për të pyetur vazhdimisht se nga cili vend është, pavarësisht se ka lindur në Spanjë dhe për përvojat e tij të ngacmimit të policisë. Ai tha se racizmi ishte aq normal sa që nuk ishte për t’u habitur në Spanjë.

“Vinicius Jr bën mirë të ngrejë zërin për të vënë në dukje pa eufemizma atë që është e dukshme: Spanja është një vend racist dhe fushat e futbollit nuk janë përjashtim. Ato janë norma”, shkroi ai në Tëitter.

Gerehou ka thënë më parë se spanjollët përpiqen të kuptojnë se racizmi mund të përfshijë refuzimin e hyrjes së dikujt në një bar bazuar në ngjyrën e lëkurës së tyre. "Problemi është se shumë njerëz nuk duan ta pranojnë se racizmi që ekziston në Spanjë," tha ai.