Zyrtarët kanë thënë se Kievi do të vendosë pemën e Krishtlindjeve pa drita në të gjithë qytetin në një shfaqje sfiduese të frymës së festës, sipas mediave të huaja.

“Askush nuk do të anulojë Vitin e Ri dhe Krishtlindjet dhe atmosfera e Vitit të Ri duhet të mbizotërojë në vend,” tha kryetari i bashkisë së Kievit Vitali Klitschko për agjencinë e lajmeve RBC Ukraine.

“Ne nuk mund të lejojmë që Putini të na vjedhë Krishtlindjet.”

Sergej Kovalenko, shefi ekzekutiv i YASNO, tha se  pemët do të jenë pa ndriçim për të kursyer energjinë elektrike.

“Pemët e Krishtlindjeve do të vendosen veçanërisht për t’u kujtuar fëmijëve tanë shpirtin e festave,” tha Klitschko.

Rusia ka kryer sulme të vazhdueshme me raketa në infrastrukturën energjetike të Ukrainës që nga fillimi i tetorit. Zyrtarët ukrainas dhe aleatët kanë ngritur shqetësime se si banorët do ta përballojnë dimrin, mes ndërprerjeve të energjisë elektrike dhe uljes së temperaturave.