NATO-ja i kërkoi Moskës të dielën të rinovojë urgjentisht një marrëveshje të ndërmjetësuar nga OKB-ja, e cila i lejonte Ukrainës të vazhdonte eksportin e grurit përmes Detit të Zi në mes të një krize globale ushqimore.

"Presidenti rus (Vladimir) Putin duhet të ndalojë përdorimin e ushqimit si armë dhe duhet t'i japë fund luftës së tij të paligjshme kundër Ukrainës," tha zëdhënësja e NATO-s.

“Ne i bëjmë thirrje Rusisë që të rishqyrtojë vendimin e saj dhe të rinovojë urgjentisht marrëveshjen, duke mundësuar kështu që ushqimi të arrijë tek ata që kanë më shumë nevojë”, shtoi Oana Lungescu.

Të gjithë aleatët e NATO-s e mirëpritën marrëveshjen e arritur me ndihmën e Turqisë.

"Eksportet kanë kontribuar në uljen e çmimeve të ushqimeve në mbarë botën," tha Lungesku.