Disa dhjetëra tornado kanë shkaktuar kaos dhe shkatërrim në Kansas, SHBA, duke detyruar autoritetet të shpallin gjendjen e jashtëzakonshme.
Në videot e shpërndara në rrjetet sociale nga njerëz të ndryshëm shihen pamjet spektakolare dhe dramatike të tornadove, të cilët sipas autoriteteve kanë arritur deri në 265 km/h. Një prej tornadove vlerësohet të ketë dëmtuar deri në 1000 banesa në jug të Kansasit, duke krijuar një vijë shkatërrimi mbi 20 kilometra të gjatë.
Fatmirësisht nuk janë regjistruar viktima nga kushtet ekstreme të motit. Sipas mediave lokale 4 persona, 2 prej të cilëve zjarrfikës, kanë mbetur të plagosur lehtë. Gjithashtu, në të gjitha zonat është rikthyer energjia elektrike.
Stuhi të fuqishme janë regjistruar edhe në shtete të tjera amerikane, si Oklahoma dhe Illinois, ndërsa pritet që tornado të godasin edhe Teksasin, Nju Meksikon dhe Koloradon.
Drone footage shows an EF-3 tornado with winds up to 165 mph tearing through Andover, Kansas late Friday.
— ABC News (@ABC) May 1, 2022
Over the past 48 hours, there have been more than a dozen reported tornadoes from Kansas and Illinois. https://t.co/wNlzqJGoJd pic.twitter.com/mfIwQAb2tO
Strong tornado in Andover Kansas NOW pic.twitter.com/LKWi3FPslq
© SYRI.net