Ish e dashura e Ish-mbretit Juan Carlos ka deklaruar në një gjykatë në Spanjë  se kreu i shërbimeve të inteligjencës së vendit e kërcënoi atë dhe fëmijët e saj me urdhër të monarkut.

Corinna Larsen i tha gjykatës se pasi marrëdhënia me mbretin kishte përfunduar ajo takoi në Londër shefin e inteligjencës duke I deklaruar se nëse ajo nuk ndiqte udhëzimet e tij ai nuk mund të garantonte sigurinë e saj.

Akuzat erdhën gjatë një gjykimi një ditor për shpifje të sjellë nga Sanz Roldán, shefi i inteligjencës nga 2009-19, kundër një ish-oficeri policie, José Manuel Villarejo, të cilin ai pretendon se e shpifi në një intervistë televizive në 2017 në të cilën ai tha se kishte kërcënoi jetën e Larsen .

Larsen, e njohur gjithashtu si Corinna zu Sayn-Wittgenstein, pretendon se ajo u persekutua nga agjentët spanjollë të inteligjencës pas përfundimit të marrëdhënies së saj me Juan Carlos, i cili abdikoi në 2014. Ajo tha në betimin e saj në gjykatën në Madrid se ishin bërë kërcënime kundër saj sepse ajo mbante "informacion dhe dokumente në lidhje me marrëdhëniet financiare dhe të biznesit të mbretit dhe anëtarëve të tjerë të familjes mbretërore".