Britania është duke u përgatitur për valën e radhës së koronavirusit.
Vendi ka filluar të izolohet me zona, për shkak të rritjes së frikshme të numrit të të infektuarve.
Dje ka qenë mbrëmja e fundit, kur lokalet e natës mund të qendronin hapur, ndaj dhe të rinjtë në qytetin Cardiff, e kanë shfrytëzuar në maksimum, pasi tashmë me gjasë, vetëm në verë ata mund t’i rikthehen jetës së natës.
Ata u panë duke pirë, kënduar, vallëzuar dhe përqafuar njëri-tjetrin.
Nga ora 18:00 të Premten (sot) të gjitha pubet, restorantet dhe vendet e mikpritjes do të mbyllen për dy javë për shkak të Covid-19.
Rregullat në fuqi, thonë se deri në 30 persona mund të takohen në ambiente të jashtme, por ata duhet të ndjekin rregullat e distancimit. Ndërsa njerëzit nga e njëjta familje nuk kanë pse të qëndrojnë dy metra larg./K.H/Syri.net/
© SYRI.net