Bota njohu një shpërthim të rasteve me koronavirus jashtë Kinës, me tri vende që kanë shënuar një rekord brenda pak ditësh. Bëhet fjalë për Italinë, Iranin dhe Korenë e Jugut.
Kjo e fundit mban numrin më të lartë të të prekurve përveç Kinës, me 763 në total. Prej tyre, gjashtë kanë humbur jetën. Ditën e fundit u identifikuan 161 pacientë me koronavirus.
Të paktën gjysma e të prekurve nga koronavirusi në Korenë e Jugut i përkasin një sekti fetar, të njohur si Kisha e Jezusit në Daegu. Ky sekt dhe një spital janë kthyer në vatra të sëmundjes. Mendohet se të dy janë të lidhur, pasi anëtarët e sektit kanë shkuar në spital për të parë vëllain e themeluesit të kultit të errët. Ai ndërroi jetë.
Sekti është themeluar nga Lee Man-Hee, tashmë 88 vjeç. Kulti i tij është dënuar nga autoritetet e krishtera në botë si mashtrues.
Lee ka 74 kisha në Korenë e Jugut. 120 mijë ndjekësit e tij mendojnë se ai është i pavdekshëm. Pak gjëra dihen për kultin pasi janë shumë të izoluar. Disa besojnë se Lee është profet.
© SYRI.net