Baja e Istogut e njohur ndryshe si Ilixha e Pejës, njihet në të gjithë Kosovën, pasi flitet se aty janë fallxheshat më të mira. Ky lloj fshati nuk njihet vetëm si qendër rehabilituese ku shkojnë shumë njerëz që kanë probleme të ndryshme shëndetësore.

Tashmë siç thonë banorët, fallxheshat e fshatit kanë sjellë radhë të madhe hallexhinjsh që shkojnë të gjejnë dhe të zgjidhin hallet brenda një filxhani.

Edhe ata që shkojnë për herë të parë nuk e kanë vështirë t’i gjejnë fallxheshat, pasi që secila nga ato ka vendosur tabela që tregojnë shtëpitë ku ndodhen ato. “Te Sanija”, “Te Gila”, “Plumbtore”, “Falltore”, janë vetëm disa nga emrat që tërheqin “hallexhinjtë”.