Ricardo Astrada konsiderohet mjeshtër botëror i kërcimit Tango, dhe si një argjentinas ai ka shpjeguar në Top Show dallimin e kërcimit që shihet në filma dhe tangos së vërtetë pasionantë që kërcejnë argjentinasit.

Trupat janë më të ngjitur, e gjithë vëmendja është tek gruaja për ta bërë atë të ndjejë çdo frymëmarrje, e më tej fokusi kalon tek lëvizjet e këmbëve, Moderatori Alban Dudushi ka ndërhyrë në këtë shpjegim të Astradës, duke thënë me batutë se tango argjentinas është si të bësh dashuri. Po – të bësh dashuri në 3 minuta- përgjigjet mjeshtri i tangos.

E për ta faktuar veçantinë e Tangos argjentinase, Ricardo Astrada ka ftuar në kërcim Albana Osmanin, bukuroshen e ekranit, që në Top Show është në rolin e analistes.