Arian Çani është ndër personazhet që mund t’i bëjë të tjerët të zbrazin thesin për veten e tyre, por nga jeta e tij personale nuk është se dimë shumë.

Më mirë të themi nuk ka dëshirë të shfaqet në publik, as më fëmijët dhe as me bashkëshorten.

Ka preferuar që të mos dalë jashtë qytetit, por të kalojë disa orë të së shtunës në një nga qendrat tregtare të njohura të Tiranës.

Mbase mund të ketë qenë edhe një dëshirë e vajzës së toj të vogël pasi, siç dihet, qendrat komerciale janë një argëtim për fëmijët, për lodrat, kinemanë, shopping-un, baret etj.

Ajo që të bie në sy është fakti se Çani tashmë ka bërë pjesë të pandarë të stilit të veshjes së tij kostumin sportiv. Ai shihet me kostum sporti teksa vrapon, kur pi kafe me shokët, por edhe kur del me familjen.

Këtë stil tejet komod e ka pëlqyer mesa duket edhe bashkëshortja e tij, pasi siç shihet edhe nga fotoja, edhe ajo është e veshur e tëra me tuta.