ISIS ka shpërthyer xhaminë e madhe të ‘al-Nuri’ në Mosul, njoftuan këtë të mërkurë forcat irakene.
Xhamia ishte vendi ku ISIS shpalli të ashtuquajturin "Kalifat" në 2014-ën.
Megjithatë, ISIS pretendon se ishin avionët amerikanë që shkatërruan xhaminë në një sulm ndaj tyre, në një deklaratë të lëshuar “Amaq”, media propagandistike e grupit terrorist.
"Forcat tona po përparonin drejt objektivave të tyre në Qytetin e Vjetër dhe kur arritën brenda 50 metrave larg xhamisë Daesh (ISIL) kreu një tjetër krim historik duke hedhur në erë xhaminë," njoftoi në një deklaratë gjenerali i Përgjithshëm Abdulamir Yarallah, Komandant i ofensivës së Mosulit.
Kjo xhami është një vend simbol për ISIS pasi aty, lideri Abu Bakr al-Baghdadi shpalli krijimin e Kalifatit.
/SYRI.net/
© SYRI.net