Arkeologët zbulojnë unaza ari indiane 2,100-vjeçare në Tajlandë

Arkeologët tajlandezë kanë zbuluar dy unaza të lashta indiane prej ari, që besohet të jenë midis 1,900 dhe 2,100 vjeçare, gjatë një gërmimi në provincën qendrore Phetchaburi të vendit, raportuan mediet shtetërore të shtunën.

Zbulimi u bë në vendin arkeologjik Don Yai Thong në distriktin Ban Lat, raportoi transmetuesi lokal Thai PBS World.

Arkeologët po kërkonin nëpër kocka dhe objekte të lashta njerëzore kur hasën dy unaza ari, njëra prej të cilave ishte e gdhendur me shkrim të lashtë indian, sipas Phanombut Chantarachoti, drejtor i përgjithshëm i Departamentit të Arteve të Bukura të vendit.

Mbishkrimi në unazë besohet të jetë në Brahmi-n e lashtë dhe t'i ketë përkiste një kaste tregtarësh në Indi.

Sipas departamentit, objekte të tjera dhe sende dekorative të lashta që mbajnë shkrimin e lashtë Brahmi janë gjetur në vende të tjera arkeologjike në distriktin Klong Thom të provincës Krabi dhe Khao Sam Kaeo në provincën Chumphon.

Dy unazat e arta tani mbahen në Muzeun Phra Nakhon Khiri në provincën Ratchaburi.

Meqenëse vendi kërcënohet nga ujërat nëntokësore dhe reshjet, të cilat ndikojnë në objektet prej bronzi dhe kockat njerëzore, zyrtarët kanë përshpejtuar procesin e mbledhjes për t'i mbrojtur ato./AA