Erion Veliaj vijon pagesat për të kërkuarit e drejtësisë Klodian Zoto dhe Mirel Mertirit për aferën qindra mln lekë të inceneratorëve. Përgjatë muajit dhjetor, kryebashkiaku i Tiranës ka dhënë 800 mijë euro për landifillin e Sharrës të sekuestruar nga SPAK. E teksa Partia Demokratike vijon çdo ditë denoncimet publike me fakte dhe prova që implikojnë Veliajn në këtë koncesion abuziv dhe se KLSH ka nxjerrë raporte se pagesa për 29 euro për ton mbetura është i fryrë, SPAK nuk guxon as ta hetoje, duke e bërë atë të paprekshëm nga ligji.

SYRI TV

Kryetari i Bashkisë së Tiranës, Erion Veliaj, e ndjen veten të paprekshëm nga ligji, megjithëse Partia Demokratike ka publikuar prej javësh fakte e dokumenta se ai sillet si pronari real i koncesionit të mbetjeve në Sharrë.

Pa pasur asnjë kompleks përballë prokurorëve të SPAK-ut, të cilët nuk guxojnë të hetojnë rolin e tij në aferën koncesionare, Veliaj vijon i pashqetësuar pagesat qindra milionë lekë për kompanisë e vendosur nën sekuestro, “Integrated Energy bv”.

Në ditët e fundit të vitit 2023, e konkretisht në datat 22 dhe 27 Dhjetor, Bashkia e Tiranës ka kryer tre transaksione në favor të kompanisë koncesionare me vlerë totale mbi 800 milionë lekë të vjetra ose rreth 800 mijë euro.

Të dhënat për këtë dhuratë për Vit të Ri të kryebashkiakut Veliaj ndaj dyshes Klodian Zoto-Mirel Mërtiri janë publikuar vetëm këtë të Mërkurë nga Ministria e Financave, e cila nga ana e saj kishte mbi tre javë që nuk raportonte për pagesat e kryera nga Thesari i Shtetit.

Sipas informacionit zyrtar, Bashkia e Tiranës ka kryer dy pagesa në datë 22 dhjetor dhe një pagesë të tretë në 27 dhjetor.

Veliaj është i vendosur të paguajë tarifën e plotë për depozitimin e mbetjeve në landfillin e Sharrës, megjithëse dy institucione, e konkretisht Kontrolli i Lartë i Shtetit dhe Struktura e Posaçme Anti-Korrupsion kanë dalë në konkluzion të njëjtë se pagesa 29 euro për ton mbeturina është e fryrë dhe abuzive.

Prokuroria SPAK po zhvillon prej tre vitesh hetime për hartimin dhe zbatimin e kontratës për ndërtimin dhe operimin e landfillit dhe inceneratorit të Sharrës, me kosto koncesionare 128 milionë euro dhe kosto operimi 30-vjeçare që mund të kalojë 1 milionë euro.

Në kuadër të këtij hetimi, SPAK ka vendosur nën sekuestro kompaninë koncesionare, si edhe ka arrestuar disa zyrtarë të nivelit të ulët e të mesëm, të cilët janë marrë me dokumentat e koncesionit.Ndërkohë, prokurorët e posaçën, të paktën deri më tani, kanë dëshmuar se nuk kanë guxim të shkojnë tek nivelet e larta të zyrtarëve, tek vendimmarrësit e vërtetë të aferës së inceneratorit inekzistent të Tiranës.