Shqipëria luan një miqësore luksi ndaj Italisë më datë 16 nëntor teksa kuqezinjtë presin në stadiumin “Air Albania”, Kampionët e Europës.
Duke qenë se axurrët nuk janë të impenjuar për Botërorin e Katarit, trajneri Roberto Mancini nuk i ka kursyer disa prej yjeve të tij, edhe pse qëllimi është t’i japë hapësirë të rinjve që janë afruar së fundmi në kombëtare.
Ndërkohë, lista e kombëtares italiane ka pësuar ndryshime teksa grupit i është bashkuar sulmuesi i Sassuolos, Andrea Pinamonti.
Nga ana tjetër, tre futbollistë kanë lënë grumbullimin në kampin axurr. Bëhet fjalë për Davide Fratessi, Gianluca Scamaça si dhe Bryan Cristante.
Ky i fundit do t’i nënshtrohet një ndërhyrje kirurgjikale në dorën e majtë pas një dëmtimi të pësuar në ndeshjen e Romës ndaj Napolit.
Mesfushori e kishte shtyrë ndërhyrjen, mirëpo testet e fundit treguan se operacioni duhej të kryhej sa më shpejt, ndaj Cristante e ka të pamundur të zbresë në “Air Albania” me fanellën e Italisë.
© SYRI.net
PSG shpallet kampion në Francë
VIDEO/ Tifozët e Tiranës të revoltuar nga humbja në derbi, godasin gjyqtarët 
Bind në transfertën e Nottingham Forest, Manchester City vazhdon garën për titullinBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
