Bertrand Traore ka nisur një aventurë të re në karrierën e tij.
Ish-sulmuesi i Chelseat është transferuar nga Aston Vila tek Istanbul Bashakshehir, ekip i cili është në pronësi të presidentit të Turqisë, Rexhep Taip Erdoganit.
Këtë lajm e ka bërë vetë publik klubi nga Stambolli me anë të postimeve në rrjetet sociale, duke i uruar mirëseardhjen 26-vjeçarit nga Burkina Faso.
Në këtë sezon me fanellën e Aston Vilës, Traore nuk është aktivizuar në asnjë minutë, ndërsa në atë të kaluarin ka luajtur vetëm 9 takime në Premier Ligë duke mos shënuar dhe asistuar asnjëherë.
Më parë, Bertrand Traore përveç Chelseat dhe Aston Vilës ka mbajtur veshur gjithashtu edhe fanellat e Lionit, Ajaksit dhe Viteses në Holandë.
© SYRI.net
Bëje LIKE dhe merr lajmin e fundit nga Sporti: