Lajme të këqija për trajnerin e Real Madrid, Carlo Ancelotti, pasi nuk do të ketë në dispozicion për rreth një muaj, mbrojtësin titullar, Eder Militao.
Futbollisti 23 vjeçar u dëmtua në ndeshjen mes Brazilit dhe Kolumbisë, e vlefshme për kualifikueset e Kupës së Botës Katar 2022.
Mbrojtësi brazilian la fushën e lojës në minutën e 72-të, me idenë se ishte një dëmtim i lehtë, por ekzaminimet mjekësore tregojnë se, ai vuan nga një dëmtim i muskujve në këmbën e djathtë.
Kështu, Militao do të humbasë disa ndeshje të rëndësishme, përfshirë edhe “El Classico-n” ndaj Barcelonës, më 24 tetor.
Një “dush i ftohtë” për Ancelottin, pasi këtë muaj u ndal edhe Hazard, i cili u dëmtua me Belgjikën, ndërsa te Reali mungesat janë të panumërta, duke nisur me Carvajal, Isco, Camavinga, Asensio e Bale.
© SYRI.net
Bëje LIKE dhe merr lajmin e fundit nga Sporti: