Ish-agjenti i Neymar, Andre Kuri, ka bërë një deklaratë të bujshme sa i përket çështjes së përfolur për ribashkimin në sulmin e Barcelonës të Nemar dhe Lionel Mesit.
Vitin e kaluar, sulmuesi argjentinas kërkoj të largohej nga Barcelona në merkaton e verës dhe një ndër destinacionet që u përfol për argjentinasin ishte pikërisht PSG-ja, ekip ky ku kishte mundësinë të bashkohej me shokun e tij Neymar.
Por me zgjedhjen e presidentit të ri gjërat duket se kanë ndryshuar.
Presidenti i ri, Joan Laporta, u shpreh se do të bënte gjithçka që të mbante Mesin në skuadër.
Menjëherë pas kësaj deklarate, ish-agjenti i brazilianit Neymar, Andre Kuri, ka dhënë një deklaratë tjetër të bujshme duke u shprehur: “Neymar mund të luajë përsëri me Mesin, por jo te PSG-ja, por tek Barcelona”.
Një deklaratë e bujshme kjo, teksa situata ndryshon në favor të Barcelonës, e cila për t’i plotësuar dëshirën Mesit mund të rikthejë brazilianin përsëri në “Camp Nou”.
© SYRI.net
Bëje LIKE dhe merr lajmin e fundit nga Sporti: