Gjatë debatit në parlament për ligjin e barazisë gjinore, kryetari i Partisë Demokratike, Sali Berisha, i është përgjigjur ministrit për Marrëdhëniet me Parlamentin, Toni Gogu, duke ironizuar ndërhyrjen e tij.
Kryedemorkati Berisha e akuzoi Gogun se nuk ka njohuri të duhura dhe bën keqinterpretime të termave, duke theksuar se fjala ‘binar’ nuk është fyerje, por koncept që përkufizon gjinitë mashkull dhe femër.
Ai theksoi se kërkesa e tij për sqarime nga BE lidhet me mungesën e një direktive që përdor terminologjinë e ‘identiteteve me spektër të shumëfishtë’, ndërsa shtoi se ka qenë vetë autor i ligjit që ndalon diskriminimin për orientimin seksual.
Replika e kryetarit të PD, Sali Berisha:
Së pari, injoranca nuk është kurrë argument.
Parafolësi duket se fjalën binar e ngatërron me fjalën bipolar.
Por, Zot fale se ç’di të thotë.
Fjala binar në konceptin tim nuk është kurrë fyerje.
Binar quhet burri dhe gruaja.
Gjini binare do të thotë mashkull dhe femër.
Ti që ngrihesh dhe thua fyerje, duhet të ndjehesh keq me veten tënde.
Është e turpshme.
Nuk e bën asnjë nxënës i klasës së katërt një gafë të tillë.
Nuk mund ta fyeja unë atë, e thashë këtu, përkundrazi, e vetmja gjë që kërkova është të na tregojë cilën direktivë.
Dhe nuk e kërkova kot sepse unë para se të vij kam kërkuar nga ekspertë, nga njohës të të drejtës evropiane, dhe ata më kanë garantuar, siç e thashë, se nuk ekziston asnjë direktivë e BE për largimin nga binariteti dhe adaptimin e identiteteve me spektër të ndryshëm dhe me përkatësi të shumëfishtë.
Pra, dyfishësia dhe shumëfishësia që ta mësoni ju është binaritet, multibinaritet.
Nuk kanë lidhje me polaritetin.
Atë e di më shumë se kushdo tjetër, kryetari yt.
Shko dhe pyete kryetarin tënd të të shpjegojë se çfarë është bipolariteti.
Ai ta thotë ty mirë.
Si e diskriminova?
Pse e quajta binar?
Asnjë diskriminim, përkundrazi thashë binar. Dhe binar nuk mund të jetë fyerje kurrë.
As edhe gej nuk mund të jetë fyerje kurrë. Jo, nuk janë fyerje këto për terminologjinë e njeriut që beson në mosdiskrimimin.
Jo. I ke ti këto, por jo unë, se unë jam autori i një ligji, i cili pikërisht nuk pranon dhe dënon diskriminimin për orientimin seksual.
Pra, qenka binar sipas teje fjalë fyerëse?
Mund të them shumë gjëra për këtë. Turp. Ishte turp kjo!
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Berisha: Çdo demokrat të bashkohet me këtë protestë, me një kusht, jo si militant, por si qytetar
‘Kam bërë 3 mijë kilometra që të vij këtu’, protestuesit nuk i heqin çadrat dhe përplasen me policinë
I riu protestues: Jam lind e rrit në Itali, po iku Rama, unë do kthehem të jetoj në Shqipëri