Mediat greke i bëjnë jehonë vizitës së ministrit grek për Shtetin, Stavros Papastavrou në paraburgimin e Durrësit, ku takoi kryebashkiakun e zgjedhur të Himarës, Fredi Beleri.
Gazeta greke Kathimerini shkruan se ministri shprehu mbështetje për Belerin.
“Ne duam që prezumimi i tij i pafajësisë të respektohet plotësisht nga sistemi i drejtësisë shqiptare. Më në fund duhet gjetur një zgjidhje, brenda kornizës së kuadrit ligjor evropian për sundimin e ligjit dhe parimet e fqinjësisë së mirë, në mënyrë që të rivendoset normaliteti demokratik në Himarë.
Himara është e vetmja komunë në të gjithë Europën, ku kryetari i skualifikuar vazhdon të ushtrojë pushtetin, ndërsa kryetarit të zgjedhur i hiqet e drejta e tij demokratike për të bërë betimin,” shtoi Papastavrou.
© SYRI.net