Lezhë/ Shefi i sallës operative vetëvritet në banesë me armën e shërbimit

20:15, 16/09/2023

Një punonjës i Policisë me detyrë shef i sallës operative Lezhë dyshohet se ka vrarë veten mesditën e sotme.

Ngjarja ka ndodhur në banesën 64-vjeçarit në fshatin Spiten, ndërsa ky i fundit ka qenë në gjendje të rëndë psikologjike.

Viktima shërbente prej vitesh në Drejtorinë e Lezhës dhe ka mbajtur pozicione të ndryshme gjatë punës në Policinë e Shtetit.

“Rreth orës 17;50, në fshatin Spiten, Lezhë, dyshohet se në kushte të rënduara psikologjike pasi kishte mësuar se vuante nga një sëmundje e rëndë, në oborrin e banesës së tij, është vetëvrarë me armë zjarri pistoletë (armën e shërbimit), punonjësi i Policisë, shtetasi Gj. L., 64 vjeç, personel i D.V.P Lezhë“ - thuhet në njoftimin e Policisë së Shtetit.

Grupi hetimor ndodhet në vendngjarje dhe nën drejtimin e Prokurorisë po kryen veprimet e para hetimore.

© SYRI.net

Lexo edhe:

• Maj 2024: Këto shenja do të kenë zhvillime në jetën e tyre profesionale
• VIDEO/ Klodiana Lala zbulon për çfarë u pyet Erion Veliaj në SPAK: Ju bënë rreth 100 pyetje
• VIDEO/ Armand Shkullaku: Erion Veliaj çuditet se ka gazetarë që nuk paguhen prej tij