Rama takohet me Mitsotakis në Lituani, mediat greke: Do të ngrejë çështjen e arrestimit të Fredi Belerit nga autoritetet shqiptare

17:21, 10/07/2023 Kryeministri i Shqipërisë, Edi Rama, është takuar me kryeministrin e Greqisë, Kyriakos Mitsotakis, presidentin francez, Emmanuel Macron dhe kancelarin gjerman, Olaf Sotrz, në Lituani, pak para samitit të NATO-s që pritet të mbahet aty.

Lajmin e kanë bërë të ditur mediat greke, sipas të cilave, Mitsotakis pritet të ngrejë çështjen e arrestimit të kryebashkiakut të zgjedhur të Himarës, Fredi Belerit, nga autoritetet shqiptare.

Konkretisht, siç njofton Pallati Maximou, të martën, kryeministri do të ketë takime dypalëshe me kryeministrin e Shqipërisë, Edi Rama, ku pritet të ngrihet edhe çështja e ndalimit të Fredi Beleris nga autoritetet shqiptare.

Mediat greke bëjnë gjithashtu të ditur se në qendër të vëmendjes është takimi që kryeministri grek do të ketë me presidentin turk Rexhep Tajip Erdogan të mërkurën.

Mësohet gjithashtu se përveç këtij takimi, i cili është një “dritare” mundësie për rifillimin e marrëdhënieve Greqi-Turqi, kryeministri grek do të ketë një sërë takimesh të rëndësishme me liderë të huaj.

© SYRI.net

Lexo edhe:

• Berisha fton profesionistët e lirë në protestë: Bashkohuni me ne për padrejtësinë e madhe që u ka bërë Edi Rama
• VIDEO/ Berisha: Triumfi i Tiranës është fitore vendimtare për qeverinë teknike të ardhshme dhe rikthimin e opozitës në pushtet
• Berisha: I them Erion Velisë se vjedhjen e shekullit nuk e falim kurrë. Skrapi i partisë do digjet në flakët e kësaj vjedhje