Petrit Vasili, deputeti i LSI, gjykon se kreu i Grupit Parlamentar të PS, Taulant Balla “ka pasur rekorde të plota për të shkuar prapa hekurave, jo për t’u bërë ministër i Brendshëm”, kurse Edi Rama nënvizoi ai, është thjesht një i punësuar si kryeministër në qeverinë që kanë ndërtuar kriminelët!
I pyetur sot nga gazetari Flavio Qarri në emisionin e mëngjesit Kafe Shqeto në SYRI TV për zhvillimet e fundit politike dhe sidomos emërimin e papritur të Taulant Ballës, Petrit Vasili ndër të tjera tha:
“Besoj se ky emërim është unikal në historinë e pluralizmit dhe po të doni shqyrtojeni - në këto 30 e ca vjet, sepse një njeri që emërohet ministër i Brendshëm, që e ka dosjen e tij individuale, penale dhe njëherazi politike të bërë gati për t’u ndjekur penalisht dhe jo për të vajtur ministër i Brendshëm, me një dosje të tillë nuk e ka filluar detyrën asnjë ministër tjetër.
Formalisht, të gjithë ministrat e Brendshëm, të paktën për sy e faqe, formalisht nuk kanë pasur rekordet e Taulant Ballës. Taulant Balla ka pasur rekorde të plota për të shkuar prapa hekurave, jo për t’u bërë ministër i Brendshëm sepse ngjarjet kanë qenë të njëpasnjëshme. Ngjarja e Rrajave është një ngjarje, ku i pari njëherë që duhej të largohej është Edi Rama sepse ato që u transmetuan dhe unë i kam parë e i mbaj mend shumë mirë, ishte mbrojtja politike e hekurt që iu dha krimit dhe rastin konkret nuk është se e zbuloi policia e Edi Ramës, por vetë kriminelët siç e dini nxorën videon dhe fakti ulërinte e nuk kishte ç’bënte më.
Kështu që në këtë rast shteti, qeverisja e Edi Ramës, nuk ekziston. Unë e kam thënë në një shënim timin, Edi Rama nuk është as aksioner në qeverinë e tij, është i punësuar në qeverinë që kanë ndërtuar kriminelët. Pra, është i punësuar nga ata që të jetë atje kryeministër,” theksoi Vasili./ar/sh/SYRI.NET
© SYRI.net
Berisha fton profesionistët e lirë në protestë: Bashkohuni me ne për padrejtësinë e madhe që u ka bërë Edi Rama
VIDEO/ Berisha: Triumfi i Tiranës është fitore vendimtare për qeverinë teknike të ardhshme dhe rikthimin e opozitës në pushtet
Berisha: I them Erion Velisë se vjedhjen e shekullit nuk e falim kurrë. Skrapi i partisë do digjet në flakët e kësaj vjedhje
Denonco
Merrni lajmet më të fundit nga SYRI.net në çdo moment dhe kudo që të jeni!
