'Nuk e shkarkon dot kush Ilir Metën'/ Kreu i Shtetit: Shqiptarët më besuan në 26 prill ringjalljen e opozitës

21:26, 03/02/2022

Presidenti Ilir Meta thotë se nuk e shkarkon dot njeri nga detyra, duke iu referuar vendimit të pritshëm të Gjykatës Kushtetuese.

Meta tha se shqiptarët i kanë caktuar një rol atij, për të ringjallur opozitën.  

"Tani jemi në funksion të opozitarizmit dhe të demokracisë në vend.  Tani jemi në mbrojte të Kushtetutës. Nuk mund të shprehemi më tani për një jetë politike normale. Nuk mund të ketë një President mbi palët kur të gjitha pushtetet janë të kapura. Populli shqiptar me 26 prill i ka caktuar nje rol Ilir Metes, per te ringjallur opoziten", u shpreh ai.   

"Populli opozitar u tradhtua si kurrë më parë, në të gjitha vitet e shtetit shqiptar, nga klasa e vet politike".

Kreu i shtetit tha se kryetarja e LSI, Monika Kryemadhi gaboi me djegien e mandateve, por shtoi se ata i besuan dikujt që i gënjente.

"Znj.Kryemadhi me vendimin e saj për lënien e mandateve ka marrë një vendim të gabuar. U gënjye? Çështja e e saj dhe e LSI t'i besonte dikujt që i gënjeu". 

I ftuar në ‘Frontline’, Meta tha se 72 pyetjet e Gjykatës Kushtetuese do marrin përgjigje para popullit. 

“Këshilltarët e mi kanë kërkuar kohë. Ne do japim përgjigje me shkrim. Ky është proces që s’ka të bëjë me Kushtetuesen, por me precedentë për të ardhmen, jo me fatin e Ilir Metës. Një pyetje kam: Kjo gjykatë shumë e respektuar e Republikës së Shqipërisë, një pyetje të vetme që bëri shoqata e Bashkuar e Bashkive, për dekretin e zgjedhjeve të 30 qershorit, që ka të bëjë me shqiptarët që votojë apo jo, si shpjegohet që harroi që ta çonte këtë pyetje.

Unë kam ndjekur si president procedura serioze. Kemi qenë të gatshëm dhe kemi qenë transparent. Për mua nuk përbën interes shumë si Ilir Meta.

S’më shkarkon dot njeri mua. 72 pyetjet që ka bërë gjykata, në respekt të popullit shqiptar dhe të atyre që duan të dëgjojnë, unë do i lexoj pyetjet dhe përgjigjet që do i dorëzohen dhe gjykatës. Të 72 pyetjet do marrim përgjigje para popullit, uroj mos të ketë reklama”, tha Meta.

© SYRI.net

Lexo edhe:

• Maj 2024: Këto shenja do të kenë zhvillime në jetën e tyre profesionale
• VIDEO/ Klodiana Lala zbulon për çfarë u pyet Erion Veliaj në SPAK: Ju bënë rreth 100 pyetje
• VIDEO/ Armand Shkullaku: Erion Veliaj çuditet se ka gazetarë që nuk paguhen prej tij