Ishte në kërkim për trafik droge në Kosovë, prangoset 33-vjeçari në Tropojë

14:57, 02/02/2022

Policia e Kukësit ka ushtruar kontrolle blic në qarkun e Kukësit, për goditjen e paligjshmërisë, kapjen e personave në kërkim dhe të atyre që qarkullojnë me sende të kundërligjshme.

Kështu, si rezultat i kontrolleve është kapur dhe vënë në pranga një shtetas i shpallur në kërkim ndërkombëtar për veprën penale "Prodhimi dhe shitja e narkotikëve".

Arrestimi i tij u bë me qëllim ekstradimi drejt Kosovës, pasi Gjykata Themelore Gjakovë, Kosovë, i ka caktuar masën e sigurimit personal "Arrest në burg".

“Në vijim të kontrolleve blic në të gjithë qarkun e Kukësit, për evidentimin dhe goditjen e paligjshmërisë,  për kapjen e personave në kërkim dhe të atyre që qarkullojnë me sende të kundërligjshme, specialistët për Hetimin e Krimeve në Komisariatin e Policisë Tropojë bënë kapjen dhe arrestimin provizor të shtetasit në kërkim ndërkombëtar P. Ç., 33 vjeç, banues në fshatin Shoshan, Tropojë. Arrestimi i tij u bë me qëllim ekstradimi drejt Kosovës, pasi Gjykata Themelore Gjakovë, Kosovë, me vendimin e datës 06.04.2021, i ka caktuar masën e sigurimit personal "Arrest në burg", për veprën penale "Prodhimi dhe shitja e narkotikëve". – bën me dije policia.   

Në bashkëpunim me autoritetet ligjzbatuese kosovare, vijon puna për ekstradimin e këtij shtetasi drejt Kosovës.

© SYRI.net

Lexo edhe:

• Çifti i moshuar përcillet në banesën e fundit/ Ende mister vrasja e tyre
• Droga me 'call center' në Tiranë: Taksistët çonin 'mallin' te klientët
• Maj 2024: Këto shenja do të kenë zhvillime në jetën e tyre profesionale