Analizat e ADN-së, për eshtrat e 108 personave të zhvarrosur 15 vjet më parë në Kosinë të Përmetit, me pretendimin se u përkisnin ushtarëve grek, kanë treguar se trupat ishin gra e fëmijë shqiptarë të Kosinës.
Nga SYRI TV
Këtë të martë, eshtrat e 108 trupave të zhvarrosur në vitin 2006 janë risjellë në vendprehjet e tyre në Kosinë, ku janë rivarrosur në një ceremoni larg vëmendjes publike.
Trupat e 108 personave, që u zhvarrosën 15 vite më parë në fshatin Kosinë të Përmetit, u rikthyen përsëri në vendprehjet e tyre të mëparshme, pasi nga analizat e ADN-së rezultoi që nuk ishin trupa të ushtarëve grek.
Ceremonia e rivarrosjes së trupave është zhvilluar në mënyrë të fshehtë, larg kamerave dhe publikut. Megjithatë, SYRI TV ka siguruar pamje nga ceremonia e rivarrosjes së eshtrave të 108 personave në Kosinë, ku mësohet se të pranishëm kanë qenë veç banorëve edhe konsulli grek në Gjirokastër.
Në vitin 2006, trupat e 108 personave u zhvarrosën në varrezat e fshatit Kosinë, me pretendimin se u përkisnin ushtarëve grek. Në atë kohë nisi një hetim, pasi ngjarja u cilësua si skandal, pasi zhvarrosja ishte bërë në mënyrë të paligjshme kundrejt vlerës prej 100 eurosh.
6 persona u morën në pyetje në atë kohë, ndërsa prifti i Kishës refuzoi të jepte shpjegime. Pas analizave të ADN që janë kryer në Greqi, ka dalë se rreth 108 trupat e zhvarrosur ilegalisht nuk kanë qenë ushtarë grekë të rënë në Shqipëri, por banorë të fshatit Kosinë të Përmetit, gra dhe fëmijë.
© SYRI.net
Berisha fton profesionistët e lirë në protestë: Bashkohuni me ne për padrejtësinë e madhe që u ka bërë Edi Rama
VIDEO/ Berisha: Triumfi i Tiranës është fitore vendimtare për qeverinë teknike të ardhshme dhe rikthimin e opozitës në pushtet
Berisha: I them Erion Velisë se vjedhjen e shekullit nuk e falim kurrë. Skrapi i partisë do digjet në flakët e kësaj vjedhje
Denonco
Merrni lajmet më të fundit nga SYRI.net në çdo moment dhe kudo që të jeni!
