Nga Florim Shefqeti - 19:24, 05/01/2023
Ligjit për Zyrtarët Publikë, sipas vlerësimit tonë, ka disa të meta e të cilat janë të natyrës absolute dhe për të njëjtat Gjykata Kushtetuese, mendojmë që do të i konstatoj si të meta të pa kalueshme.
Fillimisht në neni 3 ky ligj gjithashtu nuk zbatohet edhe për kategoritë në vijim: gjyqtaret/ët dhe prokuroret/ët.
Kjo sepse nuk mund të u krijohen të hyra më të vogla këtyre kategorive, rrjedhimisht nuk mund të ju bëhet ulja e pagave gjyqtarëve dhe prokurorëve, ndryshe do të paraqiste ndërhyrje në sistemin e drejtësisë. Praktika e GJEDN dhe Komisionit të Venecias ka disa raste që është vlerësuar që nuk mund të ketë ndërhyrje në uljen e pagave të gjyqtarëve dhe prokurorëve.
Ligji ka të meta në kriteret e punësimit, të përcaktuara me neni 9. 1.5. i cili ka përcaktuar kriterin, të mos jetë e/i dënuar për kryerjen e veprës penale me dashje, kjo lë për të kuptuar dhe vlerësuar aspektin e dashjes e që në situatën aktuale të prezumimit të pafajësisë nuk mund të aplikohet ndaj asnjë subjekti deri në vendimin e formës së prerë e që, në parim deri në vendosjen me aktgjykim nga Gjykata e Apelit, prandaj paraqet problematikë të aplikimit të saj dhe kundërthënie me ligjet tjera sistemore.
Ky ligj ka përcaktuar që personi, të mos ketë në fuqi masë disiplinore për shkelje të rëndë në institucion publik, e që kjo nuk e parandalon shkeljen që mund të jetë ne sektorin privat.
Ligji në nenin 24 ka përcaktuar të drejtën e grevës e duke mos dhënë fare sqarime që janë të pa qarta në masë, në raport me Ligjin për Grevat dhe Plotësimin e tij.
Përcaktimi në nenin 33 që ka të bëjë me ,,,detyrimi për transparencë dhe konfidencialitet,,,,,, ne raport me vazhdimin e marrëdhënies së punës..... paraqet një mekanizëm që mund të humb pavarësinë e zyrtarit dhe mund të lejoj ndikim në vlerësimin e lirë dhe të drejtë, ky ligj askund nuk e ka përcaktuar se cilat janë kriteret e vlerësimit të transparencës dhe konfidencialitetit.
Marrëdhënia e punës në shërbimin civil e rregulluar me nenin 37 par 1. Marrëdhënia e punës sipas këtij kapitulli është marrëdhënie juridike ndërmjet shtetit dhe nëpunëses/it civil që themelohet me aktin e emërimit, përveç në rastet kur parashikohet ndryshe me dispozitat e këtij ligji. Lidhur me par 3 të këtij neni që ka të bëjë me marrëdhënien e punës me kohe te caktuar ka reaguar edhe BE ku janë deklaruar se pasi shton lirinë e tepruar në procedurat e rekrutimit, transferimit dhe disiplinës së nëpunësve civilë, duke e bërë shërbimin civil potencialisht të cenueshëm ndaj politizimit.
Defekt tjetër i këtij ligji është se shërbyes të caktuar publik trajtohen në mënyrë diskriminuese, zyrtarët publikë të një komune të vogël do të marrin pagë më të vogël se zyrtarët publik të një komunë të madhe.
Neni 46 i cili ka të bëjë me emërimin dhe mandatin në pozitat e nivelit të ulët dhe të mesëm drejtues..... për një mandat me kohëzgjatje prej katër (4) vitesh me të drejtë vazhdimi pa konkurrim vetëm edhe për një mandat tjetër me kohëzgjatje të njëjtë. Kjo del të jetë në kundërshtim me nenin 39 par 7 i cili përcakton se pas përfundimit të mandatit të dytë, ose në rast të mos vazhdimit të mandatit në pajtim me këtë nen, nëpunësja/i civil ka të drejtë të konkurrojë për të njëjtën pozitë që e ka mbajtur.
Neni 39 pranimi i punëtorit që ka të bëjë me Verifikimi paraprak kryhet nga njësia përgjegjëse, ndërsa vlerësimi profesional i kandidatëve bëhet nga komisioni i pranimit i krijuar për secilin grup të administrimit të përgjithshëm apo administrimit të veçantë, për të cilin zhvillohet rekrutimi. Kjo paraqet dyshkallshmëri dhe mundësi reale që njësia përgjegjëse të definoj eliminimin e kandidatëve para se të arrijnë në komisionin e pranimit, kjo mund të ketë ndikim se kush janë pjesëmarrësit në njësinë përgjegjëse dhe cilat janë kriteret e vlerësimit, posaçërisht edhe në vlerësimin e përformancës në ri kandidatin për herë të dytë dhe vlerësimin e transparencës dhe konfidencialitetit.
Kjo ne nenin 7.1. verifikimi paraprak përmes të cilit verifikohet nëse kandidatët i plotësojnë kriteret e përgjithshme dhe ato të veçanta, sipas shpalljes së konkursit, në këtë situatë nuk dihet se cilat janë kriteret e veçanta.
Po ashtu përcaktimi se ,,vazhdimi i mandatit sipas këtij neni bëhet, nëse në fund të mandatit të parë mesatarja e përformancës së mandatit të nëpunëses/it civil është vlerësuar së paku me vlerësimin “arrin pritshmëritë” kush dhe si, në bazë të cilave kritere ka bërë përcaktimin e pritshmërive.
Ligji ka lënë të meta që kanë të bëjnë me kandidatin fitues, sipas nenit 46 krahas nenit 51 që ka të bëjë me punën provuese dhe lidhjen e kontratës,, konkretisht momentin e lidhjes se kontratës.
Ky Ligj ka disa të meta që kanë të bëjnë me përgjegjësinë disiplinore të përcaktuar në nenin 55, par 1. Nëpunësja/i civil mban përgjegjësi disiplinore për shkelje të detyrave dhe përgjegjësive, në rastet kur nuk kryen detyrat që i janë dhënë, kur bën zbatim jo të duhur të tyre apo kur gjatë ushtrimit të tyre vepron në kundërshtim me Kushtetutën, ligjet dhe akte të tjera nënligjore në fuqi. Shkelja disiplinore mund të bëhet me veprim apo mosveprim. Vie në pyetje se kush do të bëjë vlerësimin e “të vepruarit në kundërshtim me Kushtetutën” sepse kjo sipas Kodit Penal paraqet vepër penale të cenimit të rendit kushtetues etj.....
Në nenin 55 par 2 ka përcaktuar se, Përgjegjësia penale nuk e përjashton përgjegjësinë disiplinore, nëse shkaku i kallëzimit penal përbën edhe shkeljen e detyrave apo përgjegjësive të punës. Pra kemi përcaktimin e pragut të përgjegjësisë disiplinore vetëm me paraqitjen e kallëzimit penal. Sipas KPPK neni 17 është përcaktuar lindja e pasojës juridike.
Neni 56 par 4.17, ka përcaktuar si shkelje disiplinore, keqpërdorimi i detyrës zyrtare lidhur me procedurën e rekrutimit nga anëtaret/ëte komisionit të rekrutimit që janë shërbyes civil, por kjo paraqet edhe vepër penale sipas Kodit Penal neni 414, prandaj si mund të bëjë vlerësimin e përgjegjësisë që mund të jetë penale në procedurë disiplinore.
Ligji në nenin 57 par 2.2, ka përcaktuar masën disiplinore të “ndalimi i avancimit/emërimit në kategori më të lartë, për një periudhë nga një (1) deri në pesë (5) vite” dhe kjo në raport me kohëzgjatjen e kontratës me mandat del të ketë kuptimin e ndërprerjes së marrëdhënies së punës ose ndalimin e kandidimit për herën e dytë.
Në raport me kompetenca për shqiptimin e masës disiplinore të përcaktuara në nenin neni 58, par 1.Masat disiplinore për shkeljet e lehta shqiptohen nga mbikëqyrësja/i i drejtpërdrejtë dhe/apo nga udhëheqësja/i më i lartë administrativ. Në këtë mënyrë është bërë tejaklimi i mundësisë raportuese/hierarkike, sepse zyrtarit i është përcaktuar edhe detyrimi i raportitmi përtej hierarkisë, sepse ka kërcënim të inicimit të procedurës disiplinore edhe nga udhëheqësi më i lartë administrativ e kjo cenon dyshkallshmërinë. Madje është cenuar procedura e inicimit të procedurës disiplinore sepse Ligji ka përcaktuar se ky subjekt shqipon masën disiplinore e jo inicimin e procedurës apo vlerësimin nëse ka bazë për inicimin e procedurës disiplinore.
Kjo e bartur në neni 59 par 2, mbikëqyrësja/i i drejtpërdrejtë detyrohet të fillojë procedurën disiplinore për shkeljen e detyrave dhe përgjegjësive të punës nga nëpunësja/i civil. Pra, nuk është lejuar mundësia e vlerësimit të lirë nëse ka bazë për inicim të procedurës por është detyruar një incim i tillë.
Neni 62 që ka të bëjë me parashkrimin e masave disiplinore, në par 1 ka përcaktuar, masat disiplinore të evidentuara në dosjen individuale parashkruhen pas kalimit të këtyre afateve:
Neni 62 par 1.7. tetë (😎 vjet nga njoftimi i palës për masën e përcaktuar sipas paragrafit 2.7. të
nenit 57 të këtij ligji. D.m.th. nga masa e largimit nga shërbimi civil. Kjo paraqet një paragjykim se nëse paraqitet procedura disiplinore pas kalimit të një afati por brenda këtij afati 8 vjetar, atëherë ose nuk mund të procedohet ose me domosdo duhet të shqiptohet masa disiplinore e largimit nga shërbimi civil.
Por, kjo dispozitë ka të metën në kuptimin ligjor sepse nuk mund të konstatohet se bëhet evidentimi në dosje të zyrtarit, sepse evidentimi në dosje bëhet vetëm pasi vendimi për shqiptimin e masës të bëhet i plotfuqishëm/formës së prerë, e që pastaj mund të flitet për rehabilitimin/fshirjen nga evidenca e jo për parashkrimin, pra kemi referencë të gabuar ligjore në momentin e fillimit të ndjekjes disiplinore/parashkrimit.
Ligji ka të mirën e jashtëzakonshme të pranimit të personave me aftësi te kufizuara, por jo në numër të duhur.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
