Sali Berisha priti gjatë të fliste siç di ai! Edhe ne të tjerët pritëm po ashtu! Sepse të gjithë kishim nevojë për konfirmimin e sotëm!
Njerëzit u derdhën në Bulevard si rrallë më parë. Përtej pritshmërive dhe lloj, lloj propagande.
Sali Berisha i foli Edi Ramës.
Kur të themi ne mbathja ti do t’ia mbathësh, i tha. Të gjithë e dimë që kjo shprehje do përdoret masivisht tani. Se Rama këtë gjuhë e njeh. Se Rama e di ç’do të thotë kur kjo fjali del nga goja e Sali Berishës.
Sali Berisha i foli Bashkimit Evropian.
I kërkoi të hapte negociatat me Shqipërinë, sepse ky popull e meriton. I kërkoi po ashtu të mbanin fokusin tek Procesi i Berlinit si një shtyllat kryesore të anëtarësimit të vendit tonë në familjen evropiane.
Sali Berisha foli dhe për ne, shqiptarët.
Na adresoi tek shpresa, sepse kjo ka munguar tash 9 vite në këtë vend. Na premtoi se kjo e sotmja ishte vetëm fillimi dhe që do mbyllet kur të largohet kjo qeveri.
Sali Berisha heshti.
Ndaj Amerikës së pari. Po atyre u foli me simbolikën e sheshit plot. Nuk kishte ç’tu thoshte më shumë. Ndërsa ne duhet t’i themi faleminderit Amerikës. Pa ndërhyrjen e saj mbi një vit më parë Berisha me gjase nuk do ndërmerrte të gjithë atë fushatë të kurorëzuar sot.
Heshti po ashtu Sali Berisha edhe ndaj grupit parlamentar të PD-së. Nuk kishte nevoje të fliste, sepse u dha mundesinë ditë më parë të angazhoheshin me strukturat për organizimin e protestës.
Kush deshi e kuptoi!
Berisha u foli po ashtu shumicës së heshtur të shqiptarëve.
U betua mbi flamur.
‘Si Shqipëria vend nuk ka’ e mbylli ai fjalën e tij.
A mund të kërkojë dikush me tepër nga një politikan?
© SYRI.net