Nga Gani Bajraktari - 22:33, 21/04/2022
Vdekshmëria intrahospitalore e pacientëve të trajtuar për Infarkt Akut të Miokardit me ST-elevim (STEMI) në QKUK, mbetët shumë e lartë dhe shumë shqetësuese: Mesatarisht 13.8% e pacientëve të pranuar më këtë sëmundja kanë vdekur (vdekshmëri intrahospitalore) gjatë 6 viteve që ne kemi realizuar studimin tonë në kuadër të Fakultetit të Mjekesisë (2014-2019).
Kjo vdekshmëri ishte 3 fish më e lartë se mesatarja e vdekshmërisë në vendet e përfaqësuara të Shoqatës Europiane të Kardiologjisë (ESC) në të cilat regjistri ka nxjerrë një vdekshmëri intrahospitalore mesatare 4.4% (2.5-5.9%)!
Viti 2019 ishte viti me vdekshmërinë më të lartë për këtë patologji (16.1%), nga fillimi i trajtimit invaziv të Infarktit Akut (tetori i vitit 2014) e këtej! Shpresojmë se vitet 2020-2022 do të dalin me rezultate më të mira!
Kjo është më tepër se shqetësuese!
Nuk ka asnjë dyshim se ndarja misterioze e Klinikës ishte shkaktari kryesor (por jo i vetëm) i kësaj gjendjeje shqetësuese.
Institucionet e vendit duhet që urgjentisht, paralel me hetimin e ndarjës së paligjshme të klinikës për qëllime përfituese të shëmtuara, të bëjnë një task forcë për eliminim e të gjithë faktorëve që kanë shkaktuar një vdekshmëri kaq të lartë!
Shoqata e Kardiologëve të Kosovës ka qenë dhe është e gatshme të jap ekspertizën e vet profesionale për të sanuar këtë gjendje!
Për fat të keq, deri më sot nuk është kërkuar dhe nuk është pranuar një ëkspertizë e tillë!
https://pubmed.ncbi.nlm.nih.gov/34389857/
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
