Zejnullah Gashi votohet për Kryeprokuror, propozimi do t’i shkojë Albulena Haxhiut për dekretim

Këshilli Prokurorial i Kosovës ka përfunduar procesin e votimit për përzgjedhjen e kandidatit për Kryeprokuror të Shtetit.

Në votim, Zejnullah Gashi ka marrë 5 vota, ndërsa Rafet Halimi 1 votë.

Me pesë vota, Këshilli Prokurorial i Kosovës ka nominuar Zejnullah Gashin për Kryeprokuror të Shtetit.

Në mbledhjen e Këshillit është paraqitur raporti final i panelit vlerësues për konkursin, i cili ka rekomanduar pesë kandidatët që kanë përmbushur kriteret dhe kanë marrë pikët e nevojshme.

Anëtarët e Këshillit kanë zhvilluar votimin e fshehtë për kandidatin që do të nominohet për pozitën e Kryeprokurorit të Shtetit.

Anëtari Milot Krasniqi ka njoftuar se do të abstenojë nga votimi, për shkak të qëndrimeve të tij lidhur me këtë proces.

© SYRI.net

Lexo edhe:

• KPK dorëzon në Presidencë nominimin e Zejnullah Gashit për Kryeprokuror të Shtetit
• E tmerrshme: Fillon presioni ndaj nënës e cila publikoi kushtet e mjerueshme në Pediatri
• Letër gjyqtarëve të Speciales, Mahmuti: Mos përsëritni “gabimet historike” në rastin Thaçi dhe të tjerët