Gazetari Mirlind Behluli ka vlerësuar se kryetari i Vetëvendosjes, Albin Kurti, ka legjitimitetin më të madh për ta formuar qeverinë e re pas zgjedhjeve.
Sipas tij, Vetëvendosje ka fituar afërsisht gjysmën e deputetëve shqiptarë në Kuvend, ndërsa opozita mbetet e përbërë nga parti me orientime të ndryshme politike.
“Albin Kurti është njeriu më legjitim për ta formu qeverinë. VV-ja i ka fitu gati gjysmën e deputetëve shqiptarë”, ka shkruar Behluli.
Ai ka kundërshtuar idenë e krijimit të një qeverie nga partitë opozitare, duke e cilësuar atë si të palogjikshme politikisht.
“Opozita është heterogjene. Prandaj as nuk duhet me ekzistu si imagjinatë qeveria e opozitës”, është shprehur ai.
Behluli ka vlerësuar se një qeveri e tillë do të ishte e varur nga faktorë të tjerë politikë dhe do t’i shërbente politikisht Vetëvendosjes.
“Përveç tmerrësisht jolegjitime, me Listën Serbe si faktor kryesor, kjo qeveri do të ishte dhurata më e madhe për Kurtin dhe VV-në”, ka deklaruar ai.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ramën nuk e mbajnë nervat, lë në mes intervistën në Top Channel
Komunat me shumicë serbe, Hargreaves: Kosova ka marrë zotime, të dalë me propozime konkrete 
Refuzohet ankesa e LVV-së lidhur me përfshirjen e të miturve në aktivitete zgjedhore 