Gjykata Administrative ka refuzuar kërkesën e kryeprokurorit të Prokurorisë Speciale, Blerim Isufaj, për pezullimin e konkursit për kryeprokuror të shtetit.
Në aktvendimin AP.nr.90/2026, të datës 05.06.2026, gjykata ka refuzuar si të pabazuar kërkesën e paditësit Isufaj i cili kishte kërkuar shtyrjen e ekzekutimit të vendimit të Këshillit Prokurorial të Kosovës (KPK.nr.268/2026), për shpalljen e konkursit publik për këtë pozitë, deri në vendosjen përfundimtare të rastit në konfliktin administrativ.
Gjykata ka vlerësuar se paditësi nuk ka arritur të dëshmojë ekzistimin e rrezikut për shkaktimin e një dëmi të rëndë dhe të pariparueshëm, si kusht ligjor për caktimin e masës së sigurisë.
Po ashtu, është theksuar se vendimi i kontestuar ka të bëjë me hapjen e procedurës së konkursit publik dhe nuk përbën vendim përfundimtar për përzgjedhjen apo emërimin e ndonjë kandidati.
Në arsyetim thuhet se “gjykata ka marrë parasysh edhe interesin publik që lidhet me funksionimin e rregullt dhe efektiv të sistemit prokurorial”, duke vlerësuar se pezullimi i konkursit në këtë fazë nuk është i arsyeshëm.
Kundër këtij aktvendimi, palët e pakënaqura kanë të drejtë ankese në afat prej 7 ditësh në Gjykatën e Apelit të Kosovës.
© SYRI.net
Uran Ismaili: Vetëvendosja e ka refuzu Adem Demaçin për president, sot mbajnë ligjerata për moral politik
Osmani në tubimin përmbyllës të LDK-së: Kosova meriton më shumë, po hapet një kapitull i ri i historisë
Abdixhiku: LDK nuk vjen për një Kosovë të një pale a partie, por për Kosovë të të gjithëve
Denonco
Merrni lajmet më të fundit nga SYRI.net në çdo moment dhe kudo që të jeni!
