Zyra Kombëtare e Auditimit ka publikuar raportin e auditimit për Presidencën e Kosovës për vitin 2025, duke dhënë opinion të pamodifikuar për pasqyrat financiare dhe duke konstatuar se shpenzimet janë realizuar në përputhje me legjislacionin në fuqi.
Megjithatë, auditorët kanë evidentuar disa mangësi në menaxhimin institucional.
Sipas raportit, në 10 raste pozitat ishin mbuluar me ushtrues detyre përtej afateve të përcaktuara me ligj, ndërsa procedurat e rekrutimit të zhvilluara gjatë vitit ishin anuluar pas ankesave në Këshillin e Pavarur Mbikëqyrës për Shërbimin Civil.
Auditimi ka gjetur po ashtu se në gjashtë raste nuk ishte përdorur moduli i e-prokurimit për menaxhimin dhe monitorimin e kontratave, duke ndikuar në transparencën dhe mbikëqyrjen e tyre.
Në gjashtë raste, Presidenca nuk kishte përdorur modulin për menaxhimin e kontratave dhe nuk kishte bërë monitorimin e performancës së kontraktorëve në sistemin e e-prokurimit.
Një tjetër vërejtje lidhet me Njësinë e Auditimit të Brendshëm, e cila kishte planifikuar katër auditime gjatë vitit 2025, por kishte realizuar vetëm dy.
Sa i përket financave, Presidenca kishte një buxhet final prej 4.87 milionë eurosh, nga të cilat janë shpenzuar 4.37 milionë euro.
Për këto çështje, ZKA ka rekomanduar plotësimin e pozitave me staf të rregullt, përdorimin e plotë të sistemit të e-prokurimit dhe forcimin e funksionit të auditimit të brendshëm.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Osmani në tubimin përmbyllës të LDK-së: Kosova meriton më shumë, po hapet një kapitull i ri i historisë
Abdixhiku: LDK nuk vjen për një Kosovë të një pale a partie, por për Kosovë të të gjithëve
Haradinaj nga Peja: Ardian Gjini është njeriu i krijuar për këtë kohë, votojeni 128