Arrestohen 11 persona në Pozheran të Vitisë, dyshohen për bixhoz të paligjshëm

Policia e Kosovës ka arrestuar 11 persona që dyshohen për bixhoz të paligjshëm.

Sipas njoftimit, prangosja e tyre ka ardhur pas një bastisje në një lokacion në fshatin Pozheran të Vitisë.

Aksioni është realizuar pas dyshimeve se në këtë lokacion po zhvillohej veprimtari e kundërligjshme që ndërlidhet me veprën penale “Organizimi i skemave piramidale dhe bixhozit të kundërligjshëm”.

“Në vendin e ngjarjes janë sekuestruar prova materiale që ndërlidhen me veprën penale të lartcekur, të cilat do të shërbejnë si dëshmi në procedurën penale.”, thuhet në njoftim.

© SYRI.net

Lexo edhe:

• Lulzim Rafuna rizgjidhet në krye të Odës Ekonomike të Kosovës
• SPAK drejt një kërkese të dytë për arrestimin e Belinda Ballukut: Çfarë do të bëjë Rama nëse...
• MPB reagon ndaj Daut Haradinajt: Pretendimet për dhënien e shtetësisë dy serbëve janë të pasakta