Ministri i Punëve të Brendshme, Xhelal Sveçla, ka bërë të ditur se ka nënshkruar vendimin për themelimin e grupit punues që do të analizojë dhe propozojë modalitetet për funksionimin e Xhandarmërisë së Republikës së Kosovës.
Sipas tij, Xhandarmëria do të funksionojë si agjencion në kuadër të Ministrisë së Punëve të Brendshme dhe do të ketë rol të rëndësishëm në forcimin e sigurisë shtetërore.
Sveçla ka theksuar se misioni i këtij institucioni do të jetë garantimi i prezencës shtetërore në ruajtjen e kufijve, integritetit dhe sovranitetit territorial, mbrojtja nga terrorizmi, menaxhimi i trazirave me rrezikshmëri të lartë si dhe mbrojtja e infrastrukturës kritike.
Ai ka shtuar se themelimi i Xhandarmërisë paraqet një hap të rëndësishëm në konsolidimin e arkitekturës së sigurisë në Kosovë dhe pritet të forcojë kapacitetet shtetërore për parandalimin dhe neutralizimin e kërcënimeve ndaj sigurisë së qytetarëve dhe territorit të vendit.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
VIDEO LIVE/ Protestuesit nisin marshimin dhe rrethojnë kryeministrinë
Shqiptarët bashkë si kurrë më parë/ Nga SHBA, Britania, Gjermania, Italia dhe çdo cep i botës - Kërkojnë largimin e Ramës
VIDEO/ Protestuesit projeksione parullash mbi kryeministri: Shqipëria nuk është në shitje