Bajrami konfirmon: Jam jashtë 10-shes së parë në LDK

Hykmete Bajrami ka konfirmuar se është lënë jashtë 10shes së parë në listën e LDK’së për zgjedhjet e 7 qershorit.

Bajrami ka thënë se nga zyra e LDK’së i është kumtuar se ka numrin 12, duke shtuar se renditet pas njerëzve që deri dje e kanë luftuar LDK-në.

Mirëpo, ka thënë se për të kjo s’paraqet asnjë problem, sepse beteja nuk është për renditje as për fitore personale.

“Jam pjesë e listës së LDK-së, sepse LDK-ja është më e madhe se çdo individ, më e madhe se çdo rrethanë dhe më e madhe se ata që vijnë e shkojnë. Prej se jam në politikë, e zgjedhur deputete shtatë herë, kam qenë, jam dhe do të jem në LDK. Kam qenë këtu në ditë të mira e në ditë të vështira. Nuk e kam braktisur LDK-në për interesa personale dhe nuk e kam parë asnjëherë si stacion të përkohshëm politik. Nga zyra e LDK-së me është kumtuar se në listë unë jam me numër 12, pas njerëzve që deri dje e kanë luftuar LDK-në, por kjo për mua personalisht s’paraqet asnjë problem, sepse beteja ime nuk është për renditje as për fitore personale”, ka shkruar Bajrami.

Në zgjedhjet e 28 dhjetorit, Bajrami ka qenë e treta në listë dhe ndër më të votuarit  LDK’së.

Sipas raportimeve, edhe Avdullah Hoti është lënë jashtë 10-shes së parë në listë.

© SYRI.net

Lexo edhe:

• VIDEO LIVE/ Protestuesit nisin marshimin dhe rrethojnë kryeministrinë
• Shqiptarët bashkë si kurrë më parë/ Nga SHBA, Britania, Gjermania, Italia dhe çdo cep i botës - Kërkojnë largimin e Ramës
• VIDEO/ Protestuesit projeksione parullash mbi kryeministri: Shqipëria nuk është në shitje