Ferizaj: I moshuari gjen para në rrugë, i dorëzon në polici

Një i moshuar ka gjetur para në rrugë në Ferizaj, të cilat pastaj i ka dorëzuar në polici.

Policia ka ftuar pronarin e tyre qe të paraqitet në stacion për t’i tërhequr paratë,. 

Postimi i plotë i policisë: 

Më datë 12.01.2026, rreth orës 16:00, në stacionin policor në Ferizaj është paraqitur qytetari A. Cakolli, i moshës 61 vjeç, i cili ka dorëzuar një shumë të caktuar të parave, të cilat i kishte gjetur në rrugën “Dëshmorët e Kombit” në Ferizaj.

Paratë janë numëruar në prezencë të qytetarit dhe për të gjitha veprimet policore është njoftuar prokurori i shtetit, ndërsa është iniciuar “Shënim zyrtar”. Paratë ruhen në stacionin e policisë në Ferizaj. 

Ftojmë qytetarin- pronarin e ligjshëm të kësaj shume të parave, të paraqitet në stacionin policor në Ferizaj për verifikim dhe për të tërhequr mjetet e tij.

Policia Rajonale e Ferizajt falënderon qytetarin A. Cakolli për gjestin shembullor dhe human, i cili tregon përgjegjshmëri dhe ndershmëri qytetare

© SYRI.net

Lexo edhe:

• Tragjike në Negroc: Vdes një 50-vjeçar, dyshohet se u godit nga rryma – reagon Lladrovci
• Kërkesa për rinumërim: PZAP-ja refuzon dy ankesat e kandidatëve të PDK-së
• Dy motra nga Kamenica vdiqën në aksident në Gjermani, reagon Kryetari i komunës