Aksioni i sotëm i Prokurorisë Themelore në Prizren lidhur me dyshimet për keqpërdorime në Byronë Kosovare të Sigurimeve çoi në arresimin e 39 personave, mes tyre ish-Drejtori ekzekutiv Sami Mazreku dhe ish-drejtori i Financave, Valon Berisha.
Edhe nga Policia e Kosovës kanë deklaruar se operacioni është rezultat i një hetimi disa-mujor.
Në këtë operacion janë sekuestruar mjete të konsiderueshme financiare, armë, ari dhe prova tjera materiale.
“Policia e Kosovës, në bashkëpunim të ngushtë me Prokurorinë Themelore në Prizren, sot ka realizuar me sukses një operacion të gjerë policor në tërë territorin e Republikës së Kosovës. Operacioni është rezultat i një hetimi disa mujor, ku janë zbatuar masa të veçanta hetimore për luftimin e krimeve ekonomike. Gjatë aksionit janë arrestuar 39 persona të dyshuar dhe janë sekuestruar mjete të konsiderueshme financiare, armë, ari dhe prova të tjera materiale. Policia e Kosovës mbetet e përkushtuar në parandalimin dhe luftimin e veprimtarive të kundërligjshme, në funksion të sundimit të ligjit dhe sigurisë publike”, thuhet në komunikatën e Policisë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Tragjike në Negroc: Vdes një 50-vjeçar, dyshohet se u godit nga rryma – reagon Lladrovci
Kërkesa për rinumërim: PZAP-ja refuzon dy ankesat e kandidatëve të PDK-së
Dy motra nga Kamenica vdiqën në aksident në Gjermani, reagon Kryetari i komunës