Drejtori i të ashtuquajturës Zyrë Serbe për Kosovën, Petar Petkoviq, ka reaguar pasi u shënua 15 vjetori i Pavarësisë së Kosovës në Zyrën ndërlidhëse në Beograd.
Petkoviq e ka cilësuar këtë si “provokim i pastër”, raporton mediumi serb Kosovo-Online.
Ndërkaq, politikani serb citohet të ketë thënë se tubimi u organizua në sallonin e një banese private, e marrë me qira nga një zyrtar i Prishtinës, dhe sipas tij, nuk ishte festë “zyrtare”.
“Fatkeqësisht, disa si Bosko Obradoviq ishin të lumtur për atë organizim, pasi sulmuan Serbinë dhe presidentin Vuçiq. Abuzim i pastër dhe pafytyrësi nga opozita serbe dhe Prishtina. Sërish kanë detyrën e njëjtë.” – ka thënë ai.
Овде је реч о чистој провокацији ПР! По Споразуму, не постоји Kанцеларија за везу, већ само официр за везу чији се радни простор налази у згради Делегације ЕУ. Овај скуп је организован у дневној соби приватног стана који изнајмљује ПР официр за везу и то не може бити званично!1/2 https://t.co/1DOoa2UO7B
— Петар Петковић (@PetkovicPetar) February 23, 2023
Ndërkohë, deputeti shqiptar, Shaip Kamberi, pasditen e së mërkurës ndau disa fotografi nga ky organizim.
“Foto album nga shënimi i 15 vjetorit të Pavarësisë në Beograd. Kjo është hera e parë që nga hapja e Zyrës ndërlidhëse që shënohet Dita e pavarësisë së Kosovës në Beograd”, shkroi ai bashkëngjitur fotografive të publikuara.
© SYRI.net