Ambasadori britanik në Kosovë, Jonathan Hargreaves, ka nënshkruar një Memorandum Mirëkuptimi drejtorin e Përgjithshëm të Policisë së Kosovës, Gazmend Hoxha dhe kryesuesin e Këshillit Prokurorial, Ardian Hajdaraj, për krijimin e ekipeve të përbashkëta hetimore dhe rritjen e kapaciteteve në inteligjencën policore.
Ai tha se lufta kundër krimit të organizuar duhet të bëhet përmes hetimeve më efikase dhe cilësore.
“Për të luftuar krimin e rëndë të organizuar, ne duhet të kemi hetime dhe ndjekje penale më efektive dhe cilësore. Sot pata nderin të nënshkruaj Memorandumin e Mirëkuptimit me Drejtorin e Përgjithshëm të Policisë së Kosovës, z. Hoxha dhe Kryesuesin e Këshillit Prokurorial, z. Hajdaraj, për krijimin e ekipeve të përbashkëta hetimore dhe rritjen e kapaciteteve në inteligjencën policore. Ky shënon një hap të rëndësishëm në luftën kundër krimit të organizuar kompleks dhe jam i emocionuar për potencialin e këtij bashkëpunimi për të sjellë hetime dhe ndjekje penale më efikase”, ka thënë ai.
Ai pati “një falënderim i veçantë për mediat dhe organizatat e shoqërisë civile për praninë dhe mbështetjen e tyre, duke garantuar transparencë dhe llogaridhënie në këtë nismë jetike”.
“Së bashku, ne nuk po prezantojmë vetëm mjete dhe mekanizma të rinj; ne po forcojmë vetë strukturën e drejtësisë në Kosovë. Në dy javët e fundit, Mbretëria e Bashkuar ka nënshkruar katër marrëveshje të reja me Kosovën, duke filluar nga lufta kundër migracionit të paligjshëm deri te ekonomia krijuese. Partneriteti ynë bëhet gjithnjë e më i gjerë dhe më i thellë".
© SYRI.net
Abdixhiku/ Franca të vazhdojë ta mbështesë Kosovën
Akuzohet se sulmoi partinë në pushtet të Erdogan, Youtuberi shqiptar kërcënohet me vdekje
Bastisje në disa lokacione në Pejë dhe Prishtinë, katër të arrestuar për fajde, detyrim dhe rrëmbim
Denonco
Merrni lajmet më të fundit nga SYRI.net në çdo moment dhe kudo që të jeni!
